आन्दोलन र विद्रोह गर्दा 

आन्दोलन र विद्रोहलाई साथ ।

चुनाव हुँदा 

जहिले पनि नयाँ गर्छु भन्नेलाई साथ 

नेपाली जनताले आजसम्म गरेको यहि हो । 

र,

अहिले भैरहेको पनि यहि हो । 

ओली अहंकार, देउवा दम्भ 

र प्रचन्ड पोजले 

दुई दशकसम्म गरेको हर्कतको परिणाम हो यो । 

यो निर्वाचन पछि

जनतालाई जब तावाको माछा 

भुङ्ग्रोमा परिएछ भन्ने थाहा हुन्छ । 

जनतालाई जब यस्ता चुनावको 

जति चाङ लगाएपनि 

समाज झन्झन् दयनीय बन्छ भन्ने थाहा हुन्छ । 

जनतालाई जब 

समाज बदल्ने ठीक सुत्रको पत्तो हुन्छ । 

त्यस दिन 

जनताले त्यहि बाटो रोज्लान । 

तर दिमागमा हिउँ राखेर

काँग्रेसभित्रका बँचेखुँचेका लोकतन्त्रवादीहरुले 

काँग्रेस सिध्याउने 

काँग्रेसीहरुको बारेमा समीक्षा गरुन्  ।

दिमागमा आइस राखेर 

एमाले र नेकपा भित्रका 

बँचेखुँचेका कम्युनिस्ट र वामपन्थीहरुले

देशमा वामपन्थी र कम्युनिस्ट जनमत सिध्याउने 

एमाले भित्रका एमाले 

र 

नेकपा भित्रका नेकपाहरुको बारेमा घोत्लिउन ।

प्रतिक्रान्तिको सुनामीको बिचमा 

संसदवादको बाढीको बिचमा 

बँचेखुचेर 

ठिंग उभिन सकेका क्रान्तिकारीहरुले 

आफूलाई आजको दुनिँयामैत्री बनाउन सोचुन ।

नेपाली समाज 

हिजो 

संसदवादको अँध्यारो सुरुङमा थियो 

अब 

अतिवादको ब्ल्याकहोलतिर जाँदैछ । 

संकट चुनौति लिएर आउँछ 

संकट परीक्षा लिन आउँछ ।