माथी हेर्यो  पहाड छ बेशी हेर्यो त्यो टारी छ 

जति काट्यो उम्रि रह्ने मेरो गालाको दाह्री छ ।

टाढा  हुन  खोजे  पनि  कत्ति  हुन  नदिने त्यो

अनमोल  हिरा जस्तै  यौटा  सुन्दर  सारी  छ ।

अनन्तको  यात्रा  रैछ  कसै  सँगको  भेटघाट

आज  पनि  उनि  सँग मायापिरिम  जारी  छ ।

भन्छन्   मुटु भन्ने  चिज कपासको भुवासरी

माया जाने मखमली नत्र फलामझैँ भारी छ ।

कसै सँग विशेष् हुन्छ जो सबैसँग हुन्छ कहाँ ?

खाउँ खाउँ लागिरह्ने उनमा मायाको घारी छ ।

हुम्ला  गयो  यारी नाका मुगु गयो रारा ताल 

मन परेकी लाल हिरा कठैस् नदीको पारी छ ।

नरेन्द्र देवकोटा (प्रशान्त)