काठमाडौँ। क्रान्तिकारी कम्युनिस्ट पार्टी नेपालका तर्फवाट महासचिव सिपि गजुरेलले  आइकोर  ( क्रान्तिकारी पार्टी तथा संगठनहरूको अन्तर्राष्ट्रिय समन्वय समिति ) अन्तर्गतको दोस्रो विश्व महिला सम्मेलन र  सैद्धान्तिक गोष्ठीलाई शुभकामना दिएको छ। पार्टीका महासचिव गौरवले नोभेम्बर २७ मा एक शुभकामना सन्देश मार्फत सो शुभकामना तथा बधाई  दिनुभएको हुन ।

मङ्सिर १० गते ((नोभेम्बर २६ का दिन  ) आइकोर अन्तर्गतका महिलाहरूको विश्व सम्मेलन सम्पन्न भइसकेको छ र ग्रासरुट महिलाहरूको समेत सहभागितामा नोभेम्बर २७ ,२८ , २९ र ३० तारिख सम्म काठमाडौँमा दोस्रो सैद्धान्तिक गोष्ठी सम्पन्न हुने भएको छ ।

उक्त सन्देशमा क्रान्तिकारी कम्युनिष्ट पार्टी नेपाल र क्रान्तिकारी संयुक्त मोर्चा नेपाल दुवैको तर्फबाट सम्मेलन र गोष्ठी सफलताको शुभकामना तथा हार्दिक बधाई भनिएको छ। सन्देशमा पार्टी र मोर्चालाई शुभकामनाका लागि गरिएको निमन्त्रणालाई पार्टीप्रतिको विशिष्ट सम्मान ठानेको पनि बताइएको छ।

सन्देशमा भनिएको छ, “  हामीलाई दृढ विश्वास छ कि यस्ता कार्यक्रमहरूले महिलाहरूको नेतृत्व क्षमता विकास गर्न र सिद्धान्तप्रतिको बुझाइलाई अरु गहिरो र खदिलो पार्न मद्दत गर्नेछ। वैज्ञानिक समाजवाद र साम्यवादको दिशामा अगाडि बढ्ने सन्दर्भमा महिलाहरूको क्रान्तिकारी आन्दोलन विश्व क्रान्तिको छुटाउनै नमिल्ने एउटा महत्त्वपूर्ण हिस्सा हो। ”