काठमाडौं । नेकपा एमालेका अध्यक्ष केपी शर्मा ओलीले सरकारले फागुन १ गते ‘जनयुद्ध दिवस’लाई राष्ट्रिय दिवसको रुपमा विदा दिएकोमा  आपत्ती जनाएका छन् । बिहीबार आफ्नै जन्मदिनको अवसर पारेर बालकोटस्थित निवासमा आयोजित ‘विश्वशान्ति प्रार्थना’ पुस्तक विमोचन कार्यक्रममा उनले फागुन १ गते जनयुद्ध दिवस नभई ‘हिंसा दिवस’ भएको भन्दै त्यसलाई सरकारले राष्ट्रिय रूपमा मनाउने निर्णय गर्नु दुःखद भएको बताएका हुन् ।

 एमाले अध्यक्ष ओलीले भने , “त्यो हिंसाको धङधङी के देखिन्छ भने, अहिलेकै सरकारले पनि हिंसा दिवसलाई राष्ट्रिय दिवस भनेर मनाएर त्यसलाई फेरिदेखि राष्ट्रिय दिवस मनाउने भनेर क्यालेन्डरमा राख्ने समेत दुःखद निर्णय गर्‍यो । त्यसले हिंसाको मानसिकता, हिंसाप्रति गर्व गर्ने प्रवृत्ति नछुटेको देखिन्छ । जुन कुराचाँहिँ सही होइन । सरकारले किन त्यो गर्‍यो रु आकास्मिक रूपमा त्यो किन गर्नुपर्‍यो रु आफैँले त्यो बाटो छोडेर शान्ति प्रक्रियामा आइसकेपछि किन फेरि त्यसको महिमामण्डन गर्नपर्‍यो रु त्यो मैले पनि बुझेको छैन ।”