डडेल्धुरा। डडेल्धुरामा खाना पकाउने क्रममा आगलागी भएको छ।

डडेल्धुराको अमरगढी नगरपालिका–१ स्याउलेस्थित एक घरमा खाना पकाउने क्रममा आगलागी हुँदा करिब तीन लाख रुपैयाँ बराबरको धनमाल जलेर नष्ट भएको हो। शुक्रबार बेलुकी स्थानीय राजबहादुर रावलको काठ र जस्तापाताले बनेको दुईतले, दुई कोठे घरको भान्सा कोठाबाट आगलागी भएको जिल्ला प्रहरी कार्यालय डडेल्धुराले जनाएको छ।

आगलागीबाट नगद, लत्ताकपडा, भाँडावर्तन, खाद्यान्न, मोबाइललगायतका सामग्री जलेर करिब ३ लाख रुपैयाँ बराबरको क्षति भएको प्रहरीले बताएको छ। स्थानीयवासी र प्रहरीको सहयोगमा आगो नियन्त्रणमा लिइएको प्रहरीले जनाएको छ।