नयाँ मन्त्रीका लागि सिफारिस भएका खगेन्द्र सुनारको शपथ नहुने भएको छ । फौजदारी मुद्दाको प्रतिवादी भएको तथ्य सार्वजनिक भएसँगै प्रधानमन्त्री कार्यालयले मन्त्रीको सूचीबाट उनको नाम हटाएको हो । प्रधानमन्त्री सुशीला कार्कीले चार जनालाई आज शपथ खुवाउने गरी मन्त्री सिफारिस गरेकी थिइन् । सुनारलाई श्रम, रोजगार तथा सामाजिक सुरक्षा मन्त्री बनाउने तयारी थियो । 

यसैबीच सुनार विरुद्ध विभिन्न अदालतमा मुद्दा विचाराधीन रहेको प्रमाण बाहिरिएपछि शपथ ग्रहण नगराउने निचोडमा बालुवाटार पुगेको बताइएको छ । त्यस्तै, भूमि सुधार मन्त्रीमा सिफारिस भएका गणपतिलाल श्रेष्ठको पनि आज शपथ नहुने बुझिएको छ ।